انا شاب لكن عمري ولا الف عام
وحيد لكن بين ضلوعي زحام
خايف ولكن خوفي مني انا
اخرس ولكن قلبي مليان كلام
وعجبي
عمري في شهر 6 القادم أتم 29 سنه
======================
في بيت جدتي
محافظة الغربية
=====================
--حياة الطفوله من كان المؤثر الأول بها؟
خيالي ..
تبت يداه ..
فأنا علاء الدين صاحب المصباح ... والجني أيضا
وأنا البطل العربي باسم .. وأدهم صبري ... وأبو أدهم صبري كذلك !
وأنا احمد سمير مذيع النشرة ... وأهم ممثل ومخرج ومطرب ورسام عالمي
أنا رئيس الجمهورية ... وكابتن ماجد والحارس رعد في نفس التوقيت
احرزت الكثير من الميداليات الاوليمبية ... بعد أن أنقذت سوبرمان
و بعد أن حصلت علي لقب أمير الشعراء غصبا عن شوقي
تربعت علي عرش القصة القصيرة بعد يوسف ادريس
أنا هداف كأس العالم في كل الأجيال ... وأيضا أنا ماهر قائد مازنجرر( مع العلم اني تعلمت أسوق عجلة بشق الأنفس )
تسلمت نوبل بدلا من نجيب محفوظ ... وأخرجت اعلان ( هاتلنا ريري هاتلنا ريري ... الصلاة ع الزين الصلاه ع الزين)
كنت السبب في أن عدالة السماء نزلت علي استاد باليرمو
بعد ان تخليت عن رئاسة تحرير اكبر صحف العالم وأنا وهي في عز أمجادها
أنا الشهيد الذي حرر الأرض
بعد أن حل الكلمات المتقاطعة في الاهرام يوم الخميس
..........
............
يووووووووه
مين فتح صندوق الذكريات ؟؟!!
كله خيال في خيال
=====================
--موقف من الطفوله مازال عالق في ذهنكـ؟
الموقف دا مؤثر جدا
علي الاقل بالنسبه لي
اعشق القراءه منذ نعومة اظافري كأي طفل خجول جوزائي يحترم نفسه
أخذت مصروفي وتحويشة العمر وأستقليت أتوبيس من مدينتي القروية الصغيرة إلي طنطا
ليس لدخول السينما ( التي لم أكن عشقتها كالأن لأنني ببساطه لم أدخلها إلا وانا في ثانوي )
ولكن لأشتري احدث اصدارات روايات مصرية للجيب قبل أصدقائي
وأنا عائد لبلدتي في نفس الأتوبيس كان جالسا بجواري
شاب هو كان في وقتها في مثل عمري الان , لم أكن لألتفت اليه سوي بنظراته الي ابتسامة عيني وانا انظر الي رسومات الفنان اسماعيل دياب علي الروايات
سألني : أنت كنت فين ؟
: كنت بجيب القصص بتاعت الشهر
: أنت بتحب القراءة
: جدا
: تعرف كامل كيلاني
: لا ... أعرف نبيل فاروق
: طيب تعرف أ / منصور
: دا مدرس الرياضة بتاعي
: انا اخوه ... اسمي محمد
: أهلا وسهلا
: انا محامي وربنا رزقني بولد من شهرين اسمه سليمان
تعجبت من أسلوبه فهو يحاورني كما يحاور رجل كبير .. سألني
:اسم سليمان غريب مش كدا
: لا ابدا ... علي اسم سيدنا سليمان
ضحك وقال
: اصل الناس مستغربين اني اسميه سليمان ... وانت اسمك ايه ؟
: اسمي علاء
: تشرفنا يا علاء
: تشرفنا يا أ/ محمد
: أنا بعشق القراءه واحب من يهتمون بها
: ..........
: تعرف بكرة تعدي علي مكتب أ/ منصور ؟
: اللي في شارع السوق
: ايوه
: هتلاقيني سايبلك هناك هدية
: ان شاء الله
وصلنا لبلدتنا ..
ونسيت الموضوع
في الصباح كنت امر بجوار مكتب أ / منصور معلم الرياضيات
دخلت المكتب فوجدته
: أ/ منصور ... أنت ليك اخ اسمه أ / محمد
: اه .. وسايبلك الشنطة دي
أخذتها فإذا بها مجموعة روايات كامل كيلاني ... أفضل من كتب للأطفال والناشئة بالعربية
لم اصدق ... لقد صدق الرجل وعده مع طفل مثلي
ومرت الايام والسنون
وكونت مكتبه كبيره في منزلي أفتخر بها
وقصص كامل كيلاني مازالت في مكتبتي الي الان
ومنذ عام واحد وبسؤالي عن ( أبو سليمان )
حيث اني نسيت اسمه وكل شئ عنه سوي اسم ابنه .. واسم اخوه معلمي
دبر احد ابناء الحلال مقابله معه
اصبح كهلا ... ويمشي علي عكاز بعد حادث أصابه , سبحان من اخرجه منها حيا
لم يتذكرني
حكيت له ما كان منذ 16 عام
ابتسم ودعاني الي زياره لمنزله
وزرته
ورأيت مكتبته التي تربو علي أكثر من عشرين الف كتاب
خجلت من مكتبتي المتواضعه
اهداني كتب اخري
وقرات كتاباته الخاصه
بل وطلب مني رأيي ونقدي
وتقبله بصدر رحب ... وأشاد به
ذهبت معه معرض الكتاب هذا العام ثلاثه مرات الي الان
أ / محمد
لك تحياتي
***********
هناك موقف رهيب مع جدتي
لكن هذه حكاية طويلة
وكلماتي لن تعبر عنها الان
========================
--هل كان يوجد معامله مختلفه كونكـ ولـد عن باقي اخواتكـ البنات؟
لي اخت وحيده واصغر مني ب 8 سنين
دلوعه اخواتها يعني
========================
--اليوم الدراسي الأول هل تتذكر حالكـ فيه؟
كنت اشطر ولد في الفصل
هههههههههههههه
وجميع من حولي يبكون في انتظار أمهاتم
بس لأني كنت في رياض اطفال سنتين
درست فيهم منهج اولي وتانيه ابتدائي
=======================
--عبث الطفوله كيف تصفه في بضع كلمات؟
....................
كلمات خرساء
======================
--أصدقاء الطفوله هل مازلوا على تواصل؟
نعم ... معظمهم
======================
--أول سيارهـ أمتلكتها في أي سـن؟
في 2008
وعليها اقساط يا باشمهندسين
هههههههههههههههههههه
======================
--مرحلة المراهقه كيف كان تعامل الأهل فيها؟
كنت دائما أردد : محدش فاهمني
اكتشفت بعد ذلك انها جمله كل مراهقي العالم
ههههههههههههههههههههه
=======================
--غالباً مايكون الحب الأول في مرحلة المراهقه فكيف تصفه إن وجـــد؟
احم ...
زوجتي حتقرا الكلام دا غالبا
لكني كنت بحب علي نفسي
ههههههههههههههه
طبعا مش حب لكن اهي مشاعر مراهق جوزائي خجول يحترم نفسه
======================
--إلى ماذا كنت تطمح وهل وصلت لطموحكـ؟
يوم لما اتميت عشرين سنه
قفلت عليا باب أوضتي
ومسكت أجنده بكتب فيها مذكرات كدا
وكتبت احلامي لما اوصل للثلاثين
الحمد لله كل ما كتبت تم تحقيقه ليس بمجهود مني ولكن بتوفيق الله عز وجل
وقبل أن أصل للثلاثين
( وكان منها أن يكون عندي بنت ... والحمد لله ربنا رزقني بنادين )
لذلك سأضع الخطط خمسية في الفتره القادمه
قولوا يارب
=======================
--عنفوان المراهقه مالذي تبقى منه اليوم في ذاكـرتكـ؟
الضرب اللي معلم في جته اخويا احمد
والخرابيش اللي معلمه في جتتي منه
هههههههههههههه
احمد اخويا احب الناس الي قلبي مع اني اول مره اقول الكلام دا لحد
ومع ان الناس ممكن تشوف غير كدا ... وتشوف اننا مختلفين غالبا في كل شئ
=======================
--كيف هي نظرتكـ للحياة اليوم؟
الحياه : هي المسافة الواقعه بين مكان ولادتك وبين قبرك
الحياه : هي كرنفال أزياء بين الكافوله والكفن
من كلمات الساخر محمد عفيفي
والتي اؤمن بها
========================
--كيف هي حياتكـ بعد الزواج وتحقيق حلم الأبــوهـ؟
الحمد لله مش بلبس بدل صيفي بتاعت الموظفين
ومش بجيب جرايد ولا بطيخ وانا مروح البيت
دا كابوس كنت بحاول اني موصلش ليه والحمد لله
ههههههههههههههه
=======================
--هل وجدت حلاوة المسؤليه مابين واجباتكـ العملية والعائليه؟
وجدت حلاوة طحينيه الرشيدي الميزان في التلاجه
=======================
--هل ستربي أبنائكـ بنفس أسلوب تربية والديكـ لكـ؟
مع بعض التعديل العصري علي الاسلوب
ما ينفعش نشتغل بالدوس في زمن الويندوز
=======================
--ماأكثر مايشغل تفكيركـ في ظل مرحلة النضج؟
رضا ابويا وامي وزوجتي و تربية بنتي
=======================
--المرأهـ ماذا يعني وجودها في حياتكـ اليوم؟
دا سؤال عاوز معجم أو قاموس
=======================
--من هي الشخصية النسائيه التي تعجبكـ؟
الحور العين 
=======================
--من هي المرأهـ التي تــود أن تكون قدوة لكل نساء الأرض؟
السيدة فاطمة الزهراء
( حبيت اغير عن اجابات اللي سبقوني )
وكل اجاباتهم صح .. أنا معايا نموذج الاجابه علي فكره
=======================
--بعد الأخلاق الحسنة ماأكثر مايلفت انتباهكـ في المرأة شكلاً؟
انها متكنش مسترجله
=======================
--مارأيكـ بالمرأهـ التي تشاركـ الرجل اهتمامته كمتابعة الرياضة وأخبارالسيارات؟
وهل اهتمامات الرجل متابعه الرياضه واخبار السيارات فقط ؟
علي فكره السؤال دا محتاج اعاده صياغه
=======================
--الأم والزوجة كيف ستتعامل معهما عند الخلاف؟
زوجتي تعرف ان ( أمي ... ثم امي ... ثم أمي )
وتتعامل علي هذا الاساس .. والحمد لله زوجتي تحبني وتحب ان ترضيني
======================
--خانتكـ حـــواء فأصبحت مابين المنصدم والمنتقم كيف ستكون ردة فعلكـ؟
تقصدي ارجع البيت الاقيها اكلت الغدا كله ومسابتليش حاجه 
يا للهول ( أسلوب مسرحي مبالغ فيه )
حنزل اجيب اكل من بره واكل لوحدي
هههههههههههههههههه
======================
لزوجتي هيه عارفه .. أهديها
أمل حياتي يا حب غالي ما ينتهيش
يا أحلى غنوه سمعها قلبي ولا تتنسيش
خد عمري كله بس النهارده خليني اعيش
خليني جنبك .. خليني
في حضن قلبك ....
وسيبني أحلم
ياريت زماني ما يصحنيش
يا حبيب امبارح وحبيب دلوقتي
يا حبيبي لبكره ولأخر وقتي
احكي لي .. قوللي
أيه من الأماني ناقصني تاني
وانا بين اديك
عمري ما دقت حنان في حياتي
زي حنانك
ولا حبيت يا حبيبي حياتي
إلا عشانك
وقابلت آمالي وقابلت الدنيا
وقابلت الحب
أول ما قابلتك واديتك قلبي
يا حياة القلب
أكثر م الفرح ده ما حملش
أكثر م اللي انا فيه ما اطلبش
بعد هنايا معاك يا حبيبي
لو راح عمري أنا ماندمش
*******
ولبنتي اهديها
ياللي حبك ..خلا كل الدنيا حب
ياللي قربك .. صحى عمر وصحى قلب
وانت معايا يصعب عليه
رمشة عنيه ولا حتى ثانية
يصعب عليه ليغيب جمالك
ويغيب دلالك ولو شوية
قد كده باشتاق إليك
قد كده ملهوف عليك
نفسي أنده لك بكلمه
ما تقالتش لحد تاني
كلمه قد هواك ده كله
قد أشواقي وحناني
كلمة زيك
واللي زيك فين
ده انت زيك
ما اتخلقش اتنين
======================
--كلمة توجهها لحواء سواء كانت الأم أو الزوجة أو الأخت؟
حوائي العزيزة
شكرا
رد: 000 ادم في سطـــــــــــور000
ضوابط المشاركة
رد مع اقتباس
المشاركة الأصلية كتبت بواسطة رنين
M
مواقع النشر (المفضلة)